விழிப்புணர்வின் முதல் படி

கனவு மெய்ப்பட வேண்டும் - உயர் 

கல்வி வசப்பட வேண்டும்!

கற்க நினைப்ப தெல்லாம் - நாம் 

கற்று நிறைவுற வேண்டும்.

கற்றவ ரெல்லாம் வென்றார் - இதை
கருத்தினில் ஏற்றிட வேண்டும்
கல்லாதோரே தோற்றார் - என
கவனத்தில் கொண்டிட வேண்டும்!

பட்டம் படித்திட வேண்டும் - அதில்

பதக்கம் கிடைத்திட வேண்டும் 

விட்ட உரிமைகள் ளெல்லாம் - நாம்

மீட் டெடுத்திட வேண்டும்!

தொழிலுக் கென்று கல்வி - நாம் 

தேடிக் கற்றல் வேண்டும்

பதவிக் கென்று படிப்பை - இனி 

பார்த்துப் படித்திட வேண்டும்!

ஆட்சி அதிகாரம் வேண்டும் - நமக்கு

அரசாங்க வேலையும் வேண்டும் அன்றாடங் காய்ச்சியேயாயினும் - நாம் வென்றாள கல்வியே வேண்டும்.

அதிக மதிப்பெண் வேண்டும் - அதை அடைய முனைப்பு வேண்டும் 

சிகரம் தொடும் வித்தை - நாம்

சேர்ந்து பயின்றிடவேண்டும்

கல்லாமை வெளியேற வேண்டும் - உடன் அறியாமை புறந்தள்ள வேண்டும் 

கற்றுத் தெளிந்து நாமும் - எதிர் காலத்தை வென்றிட வேண்டும்!

மகத்துவம் மிக்க மருத்துவம் - கற்று மக்களைக் காத்திட வேண்டும் மடமை போக்கிடும் அறிவியல் - படித்து மாட்சிமை பெற்றிட வேண்டும்

சதிகளை எதிர்த்திட சட்டம் - நம் விதியென படித்திட வேண்டும் 

சமூகம் காத்திட அரசியல் - முழு 

சாஸனம் கற்றிட வேண்டும்!

கல்வி விழிப்புணர்வு வேண்டும் - அது பல்கிப் பெருகிடவும் வேண்டும்!

கற்ற மூத்தவ ரெல்லாம் - வந்து கைதூக்கி கரையேற்ற வேண்டும்!

சபீர்அஹ்மது

அபுஷாஹ்ருக்